ത്യാഗരാജ സ്വാമികള്‍

പ്രശസ്ത കര്‍ണാടക സംഗീതജ്ഞന്‍ ത്യാഗരാജ സ്വാമികള്‍
ഈ ലോകത്തോട് വിടപറഞ്ഞിട്ട് ഇന്ന്
(ജനുവരി 5, 2012) 165 വര്ഷം തികയുന്നു.

കര്‍ണാടകത്തിലെ തഞ്ചാവൂരില്‍ ജനിച്ച അദേഹം
സംഗീതത്തിനു പുറമേ വേദ ശാസ്ത്രം തത്വചിന്ത
തുടങ്ങിയ വിഷയങ്ങളിലും പ്രഗല്‍ഭനായിരുന്നു.
കന്നടയ്ക്ക് പുറമേ സംസ്കൃതം തെലുങ്ക്‌ എന്നീ ഭാഷകളിലും
പ്രാവീണ്യം നേടിയ അദേഹം ഭക്തിയും തത്വ ചിന്തയും
പ്രചരിപ്പിച്ചു ലളിത ജീവിതം നയിച്ചു.

കർണാടകസംഗീതം എന്നറിയപ്പെടുന്ന ദക്ഷിണേന്ത്യൻ
സംഗീതത്തിന്റെ വളര്ച്ചയ്ക്കും പ്രചരണത്തിനും
ത്യാഗരാജസ്വാമികൾ അതുല്യവും അമൂല്യവുമായ
സംഭാവനകളാണ് നല്കിയിട്ടുള്ളത്.
ശ്രീരാമഭഗവാന്റെ പരമഭക്തനും ഉപാസകനുമായിരുന്ന
ത്യാഗരാജസ്വാമികളുടെ വളരെയധികം കീർത്തനങ്ങൾ
ശ്രീരാമനെ പ്രകീർത്തിക്കുന്നവയാണ്.
തത്ത്വജ്ഞാനപരങ്ങളും സന്മാർഗജീവിതപ്രേരകങ്ങളുമായ
നിരവധി കീർത്തനങ്ങളും അദ്ദേഹം രചിച്ചിട്ടുണ്ട്.

ലൌകിക സുഖങ്ങളുടെ പരിത്യാഗവും, നിസ്സംഗത്വവും
ഭഗവച്ചരണാഗതിയും, ആത്മസാക്ഷാൽക്കാരവും
ഉദ്ബോധിപ്പിക്കുന്നവയാണ് ത്യാഗരാജകീർത്തനങ്ങളിൽ ഭൂരിഭാഗവും.

ത്യാഗരാജസ്വാമികളുടെ സാന്നിദ്ധ്യത്തിൽ സ്വരങ്ങൾ
ചിട്ടപ്പെടുത്തിയ കീർത്തനങ്ങളെ അദ്ദേഹത്തിന്റെ
ശിഷ്യപരമ്പരകൾ സൂക്ഷ്മതയോടെ പഠിച്ച് സാധകം ചെയ്ത് പ്രചരിപ്പിക്കുന്നതിനാൽ ആ കീർത്തനങ്ങൾ രൂപഭേദമില്ലാതെ, പൂർ‌വ്വരൂപത്തിൽത്തന്നെ നിലനിന്നുവരുന്നു.

ത്യാഗരാജസ്വാമികളുടെ ജീവിതകാലത്താണ്
കർണാടകസംഗീതം പൂർണവളർച്ച പ്രാപിച്ചത്.
അദ്ദേഹം തോഡി, ശങ്കരാഭരണം, കാംബോജി, കല്യാണി
തുടങ്ങിയ പ്രസിദ്ധ രാഗങ്ങളിൽ
വളരെ കീർത്തനങ്ങൾ രചിട്ടുണ്ട്.
അദ്ദേഹം സ്വയം പ്രചരിപ്പിച്ച ഖരഹരപ്രിയ രാഗത്തിൽ
അനേകം കീർത്തനങ്ങൾ വിരചിട്ടുണ്ട്.

ത്യാഗരാജസ്വാമികൾ ഘന രാഗങ്ങളായ നാട്ട, ഗൌള, ആരഭി,
വരാളി, ശ്രീരാഗം എന്നിവയിൽ യഥാക്രമം രചിച്ച
ജഗദാനന്ദകാരക, ദുഡുകുഗല, സാധിഞ്വനെ, കനകനരുചിര,
എന്തരോ മഹാനുഭവുലു എന്നീ സുപ്രധാന കീർത്തനങ്ങൾ
അദ്ദേഹത്തിന്റെ സംഗീതസിദ്ധിയുടെയും
സാഹിത്യ ജ്ഞാനത്തിന്റേയും ഈശ്വരഭക്തിയുടെയും
പ്രത്യക്ഷഭാവങ്ങളായി പ്രശോഭിക്കുന്നു.
ഇവ പഞ്ചരത്നകീർത്തനങ്ങൾ എന്നറിയപ്പെടുന്നു.

സുന്ദരകൃതികളാൽ കർണാടകസംഗീതത്തെ സമ്പന്നമാക്കിയ
ത്യാഗരാജസ്വാമികൾ സംഗീതവിദ്വാന്മാർക്കും
സംഗീതവിദ്യാർത്ഥികൾക്കും നിത്യസ്മരണീയനായ
'സദ്ഗുരു’വായി എന്നെന്നും വിരാജിക്കുന്നു

ത്യാഗരാജൻ, മുത്തുസ്വാമി ദീക്ഷിതർ, ശ്യാമശാസ്ത്രി, എന്നിവർ
കർണ്ണാടക സംഗീതത്തിലെ ത്രിമൂർത്തികൾ എന്ന് അറിയപ്പെടുന്നു.

1847ജനുവരി ആറാം തീയതി അദേഹത്തിന്റെ സ്ന്ഗീത തപസ്യ അവസാനിപ്പിച്ച് അദേഹം ഈ ലോകത്തോട് വിടപറഞ്ഞു.

കര്‍ണാടക സംഗീത ലോകത് ഒരിക്കലും മായാത്ത
വ്യക്തി മുദ്ര പതിപ്പിച്ച ആ മഹാ പ്രതിഭക്ക് പ്രണാമം.