പ്രേം നസീര്‍.

പ്രേം നസീര്‍ മരിച്ചിട്ട് ഇന്ന് പതിമൂന്നു വര്ഷം.
====================
മലയാള ചലച്ചിത്രരംഗത്തെ നിത്യഹരിത നായകൻ (Evergreen Hero)
എന്നു വിളിക്കപ്പെടുന്ന നടനാണ് പ്രേം നസീർ.
ചിറിഞ്ഞിക്കൽ അബ്ദുൾ ഖാദർ
എന്നാണ് അദ്ദേഹത്തിന്റെ യഥാർത്ഥ പേര്.
തിരുവിതാംകൂറിലെ ചിറയൻകീഴിൽ അക്കോട്
ഷാഹുൽ ഹമീദിന്റെയും അസുമ ബീവിയുടെയും മകനായി
1925 ഏപ്രിൽ 7-ന് ജനിച്ചു.
വളരെ ചെറുപ്പത്തിൽ തന്നെ അദ്ദേഹത്തിന്റെ അമ്മ മരിച്ചു.
കടിനാങ്കുളം ലോവർ പ്രൈമറി സ്കൂൾ,
ശ്രീ ചിത്തിരവിലാസം സ്കൂൾ, എസ്.ഡി. കോളേജ് (ആലപ്പുഴ),
സെയിന്റ് ബെർച്ച്മാൻസ് കോളേജ് (ചങ്ങനാശ്ശേരി)
എന്നിവടങ്ങളിൽ അദ്ദേഹം തന്റെ വിദ്യാഭ്യാസം പൂർത്തിയാക്കി.
അപ്പോഴേക്കും അദ്ദേഹം ഒരു പരിചയസമ്പന്നനായ
നാടകകലാകാരനായി തീർന്നിരന്നു.

അദ്ദേഹത്തിന്റെ രണ്ടാമത്തെ ചിത്രമായ വിശപ്പിന്റെ വിളിയുടെ ചിത്രീകരണത്തിനിടെയാണ് തിക്കുറിശ്ശി സുകുമാരൻ
അദ്ദേഹത്തിന്റെ പേര് പ്രേംനസീർ എന്നായി
പുനർനാമകരണം ചെയ്തത്.

എക്സെൽ കമ്പനിക്കുവേണ്ടി ആയിരുന്നു അദ്ദേഹം
ചലച്ചിത്രത്തിൽ അഭിനയിച്ചു തുടങ്ങിയത്.
1952ൽ മരുമകൾ എന്ന ചിത്രത്തിലൂടെയാണ്
ചലച്ചിത്രരംഗത്തേക്ക് കടന്നുവന്നത്.
അദ്ദേഹത്തിന്റെ മിക്കവാറും ചിത്രങ്ങളുടെ നിർമ്മാതാക്കൾ
ഉദയ, മേരിലാൻഡ് സ്റ്റുഡിയോകൾ ആയിരുന്നു.
മലയാളികളുടെ മനസ്സിലെ പുരുഷ സങ്കൽപ്പങ്ങളുടെ
സാക്ഷാത്കാരമായിരുന്നു പ്രേം നസീറിന്റെ ചലച്ചിത്ര കഥാപാത്രങ്ങൾ.

അറുനൂറിലേറെ മലയാളചിത്രങ്ങളിൽ അഭിനയിച്ച പ്രേംനസീർ
37 തമിഴ് ചിത്രങ്ങളിലും ഏഴ് തെലുഗു ചിത്രങ്ങളിലും
രണ്ട് കന്ന‍ഡ ചിത്രത്തിലും അഭിനയിച്ചിട്ടുണ്ട്.

അദ്ദേഹം ഷീലയുമൊത്ത് 130 ചലച്ചിത്രങ്ങളിൽ
പ്രണയ ജോഡികളായി അഭിനയിച്ചു.
ഇത് ഒരു സർവ്വകാല റെക്കോഡാണ്.
1979-ൽ മാത്രം അദ്ദേഹത്തിന്റെ 39 ചലച്ചിത്രങ്ങൾ പുറത്തിറങ്ങി.
600 ചിത്രങ്ങളിൽ 85 വിവിധ നായികമാരുമായി
അദ്ദേഹം നായകനായി അഭിനയിച്ചു.
ഏറ്റവുമധികം സിനിമകളിൽ നായകനായി അഭിനയിച്ചതിന്റെ
ഗിന്നസ് റെക്കോർഡ് അദ്ദേഹത്തിനാണ്.
1980-കളിൽ‍ രാഷ്ട്രീയ രംഗത്ത് അദ്ദേഹം പ്രവേശിക്കുവാൻ
നോക്കിയെങ്കിലും അതിനിടെ
തീരെ പ്രതീക്ഷിക്കാതെ ഇന്ദിരാജി കൊല്ലപ്പെട്ടു.

അദ്ദേഹത്തിന്റെ ഓർമ്മയ്ക്കായി
പ്രേം നസീർ പുരസ്കാരം 1992-ൽ സ്ഥാപിച്ചു.
മലയാള സിനിമയ്ക്കും ഇന്ത്യൻ സിനിമയ്ക്കുമുള്ള
അദ്ദേഹത്തിന്റെ സംഭാവനകളെ മാനിച്ച്
രാഷ്ട്രപതിയുടെ പത്മഭൂഷൺ പുരസ്കാരം അദ്ദേഹത്തിനു നൽകി.
സർവ്വകാല സംഭാവനകളെ മാനിച്ച്
കേരള സംസ്ഥാന പ്രത്യേക ജൂറി അവാർഡ്
അദ്ദേഹത്തിന് 1981-ൽ നൽകി.

പ്രേം നസീറും യേശുദാസും ഒരു
ഉത്തമ നടൻ-ഗാ‍യക ജോഡിയായിരുന്നു.
ഇവർ ഒരുമിച്ചുള്ള സംഗീതങ്ങൾ മലയാള സിനിമാചരിത്രത്തിൽ
അനശ്വരമായി നിലകൊള്ളുന്നു.
ധ്വനി എന്ന ചിത്രമാണ്‌ നസീറിന്റെ ഒടുവിലത്തെ പടം.

അദ്ദേഹത്തിന്റെ മകൻ ഷാനവാസും മലയാള സിനിമാ നടനാണ്.
ഷാനവാസ് ഉൾപ്പെടെ നാല്‌ മക്കളാണുള്ളത്.
നിരവധി ചലച്ചിത്രങ്ങളിൽ അഭിനയിച്ച
(അന്തരിച്ച) പ്രേം നവാസ് സഹോദരനാണു.

1989 ജനുവരി 16-ന് 64-ആം വയസ്സിൽ അദ്ദേഹം അന്തരിച്ചു.