മാര്‍കോ പോളോ

പതിമൂന്നാം നൂറ്റാണ്ടില്‍ കപ്പലില്‍ ലോകം ചുറ്റിയ
വെനീസുകാരനായ കപ്പല്‍ സഞ്ചാരി ഈ ലോകതോട്
വിടപറഞ്ഞത്‌ 688 വര്ഷം മുന്‍പുള്ള ഒരു ജനുവരി 8 നാണ്...

വെനീസിലെ ഒരു പ്രഭു കുടുംബത്തില്‍
നിക്കോളോ പോളോയുടെ മകനായി ആണ് ജനനം.
നിക്കോളോ പോളോ ഒരു വന്‍ വിദേശ വ്യാപാരിയും
സഞ്ചാരിയും ആയിരുന്നു.
അന്നത്തെ കാലത്തെ ദുഷ്കരമായ ദൂരയാത്രകളിൽ
നേരിട്ടിരുന്ന ക്ലേശങ്ങളും അപകടങ്ങളും അഭിമുഖീകരിക്കുന്നതിന്
ആ കുടുംബത്തിൻ തെല്ലും ഭയമുണ്ടായിരുന്നില്ല.
മാർക്കോക്ക് ആറ് വയസ്സുള്ളപ്പോൾ നിക്കോളോ അവനെ
അമ്മയെ ഏല്പ്പിച്ചുകൊണ്ട് സഹോദരനോടൊപ്പം
കോൺസ്റ്റാന്റിനോപ്പിൾ ലക്ഷ്യമാക്കി തിരിച്ചു.
എന്നാൽ അധികകാലം കഴിയുന്നതിനു
മുൻപ് മാർക്കോയുടെ അമ്മ മരിച്ചു.
പിന്നീട് ഒരു അമ്മാവന്റെ സം‌രക്ഷണത്തിലാണ്‌ അദ്ദേഹം വളർന്നത്. പിതാവിന്റെ സന്ദേശങ്ങൾ രണ്ടു വർഷക്കാലത്തോളം
വന്നുകൊണ്ടിരുന്നു എങ്കിലും പിന്നീട് അതും നിലച്ചു.
നിക്കോളോ യുറോപ്പിൽ വച്ച് അപ്രതീക്ഷിതമായ ചില
യുദ്ധങ്ങൾ ഉണ്ടായതുകാരണം തിരിച്ചു വരാൻ
കഴിയാതെ ബുദ്ധിമുട്ടുകയായിരുന്നു.

നിക്കോളോ ചൈനയിലേക്ക് ആകർഷിക്കപ്പെട്ടു.
അവിടെ കുബ്ലൈ ഖാന്റെ രാജസദസ്സിൽ ചെന്ന് പെടുകയും
അവിടെ വച്ച് അദ്ദേഹത്തെ ക്രിസ്തുമതത്തെപ്പറ്റി
പഠിപ്പിക്കുകയും ചെയ്തു.

ക്രിസ്തുമതത്തിൽ അതിരറ്റ താല്പര്യം ജനിച്ച സുൽത്താൻ ഖാൻ
പോളോ സഹോദരന്മാരെ തന്റെ പ്രതിനിധികളായി
പോപ്പിന്റെ അടുത്തേക്കയക്കാൻ തീരുമാനിച്ചു.
അങ്ങനെ നീണ്ട ഒൻപതു വർഷങ്ങൾക്ക് ശേഷം അവർ വീണ്ടും
ജന്മ ദേശത്ത് തിരിച്ചെത്തി. പോളോമാർ പോകുമ്പൊൾ
കൊച്ചു കുട്ടിയായിരുന്ന മാർക്കോ ഇതിനകം വളർന്ന്
തന്റേടക്കാരനായ യുവാവായി മാറിയിരുന്നു.

അത്ഭുതകരമായ ഓർമ്മശക്തിയും ആരെയും വശീകരിക്കാൻ
പോന്ന് വാക് സാമർത്ഥ്യവും മാർക്കോക്ക് ഉണ്ടായിരുന്നു.
തുടർന്ന് അവർ ഏഷ്യയിലേക്കുള്ള ചരിത്രപ്രസിദ്ധമായ
യാത്ര ആരംഭിച്ചു. 24 വർഷത്തിനുശേഷം നാട്ടിൽ
തിരിച്ചെത്തിയ മർക്കോ പോളോയെ കാത്തിരുന്നതു ജയിലയിരുന്നു.
നാട്ടിൽ ആഭ്യന്തരകലാപം നടക്കുകയായിരുന്നു അപ്പോൾ.
അവിടെ വെച്ച് അദ്ദേഹം തന്റെ അനുഭവങ്ങളും
യാത്ര വിവരണങ്ങളും എഴുതാൻ ആരംഭിച്ചു
തുടർന്ന് 1299 ജയിൽ മോചിതനാവുകയും അദ്ദേഹം
ഡൊണറ്റെയെ വിവാഹം കഴിക്കുകയും മൂന്ന്
പെൺക്കുട്ടികൾ ജനിക്കുകയും ചെയ്തു.

മാര്‍ക്കോ പോളോ ജീവിച്ചിരുന്ന കാലത്ത് അദ്ദേഹം
എഴുതിയ വിവരണങ്ങൾ എല്ലാം ഭാവനാ സൃഷ്ടികളാണെന്നും
മറ്റുമാണ്‌ അന്നുവരെ മറ്റു ലോകങ്ങൾ കാണാത്ത
യൂറോപ്യന്മാർ കരുതിയിരുന്നത്.
അദ്ദേഹത്തിന്റെ പേർ വളരെക്കാലം നുണയന്‌
പര്യായമായി ഉപയോഗിക്കപ്പെട്ടിരുന്നു.
യൂറോപ്യൻ സംസ്കാരത്തേക്കാൾ പഴക്കമേറിയതും
എന്നാൽ മെച്ചപ്പെട്ടതും, പലതു കൊണ്ടും അതിനേക്കാൾ
അളവറ്റ സമ്പത്തുള്ളതുമായ മറ്റൊരു ലോകത്തെക്കുറിച്ച്,
യുറോപ്പ്യന്മാർക്ക് ഒരിക്കലും അപ്രാപ്യമല്ലാത്ത
സൈനികശക്തിയെക്കുറിച്ച്, കപ്പലുകളെക്കുറിച്ചെല്ലാം
വിവരിച്ചത് അവർക്ക് ഭാവനാ സൃഷ്ടിയാണെന്ന്
തോന്നത്തക്കതരം ഭീമമായ വ്യത്യാസം
അന്ന് നിലവിൽ ഉണ്ടായിരുന്നു എന്ന് അനുമാനിക്കാൻ
അദ്ദേഹത്തിന്റെ യാത്രക്കുറിപ്പുകൾ സഹായിച്ചു.