Monday, April 30, 2012
Friday, April 20, 2012
Wednesday, April 18, 2012
ലോക പൈതൃദിനം -- ഏപ്രില്‍ 18
ഇന്ന് ലോക പൈതൃക ദിനം.
====================
മനുഷ്യന്റെ അമൂല്യ സമ്പത്തായ പൈതൃക സ്മാരകങ്ങള്‍
നാശത്തിന്റെ പാതയില്‍ നിന്നും സംരക്ഷിക്കേണ്ടതിന്റെ
ആവശ്യകതയെക്കുറിച്ച് മനസ്സിലാക്കി
അവയെ സംരക്ഷിക്കാനും അവയുടെ മൂല്യത്തെക്കുറിച്ച്
ജനങ്ങളെ ബോധാവാന്മാരാക്കാനും വേണ്ടിയാണ്
ഏപ്രില്‍ 18 ലോക പൈതൃക ദിനമായി ആചരിക്കുന്നത്.
1983 മുതല്‍ യുനെസ്കൊയുടെ ആഭിമുഖ്യത്തില്‍
ഈ ദിനം ആചരിച്ചുവരുന്നു.
പൈതൃകങ്ങള്‍ സംരക്ഷിക്കപ്പെടേണ്ടവയാണ്.
കടന്നുകയറ്റത്തിനും മാറ്റങ്ങള്‍ക്കും വിധേയമാക്കാതെ
ഇവയെ കാത്തു സൂക്ഷിക്കേണ്ട കടമ മാനവരാശിയുടേതാണ്.
ലോകത്തില്‍ സംരക്ഷിക്കപ്പെടേണ്ട ഇടങ്ങള്‍
യുണെസ്കോയുടെ ലോക പൈതൃക സമിതിയാണ്
കണ്ടെത്തുന്നത്. ഇതുവരെ 142 രാജ്യങ്ങളില്‍ നിന്നുള്ള
851 ഇടങ്ങള്‍ ലോക പൈതൃക പട്ടികയിലുണ്ട്.
ഇതില്‍ സംസ്കാര സമ്പന്നമായ ഇന്ത്യയില്‍ നിന്ന്
28 ഇടങ്ങള്‍ക്കും സ്ഥാനമുണ്ട് .
ആഗ്ര കോട്ട, അജന്ത ഗുഹ , എല്ലോറ ഗുഹ, താജ്മഹല്‍,
കൊനാര്‍ക്കിലെ സൂര്യക്ഷേത്രം, മഹാബലിപുറത്തെ
ചരിത്ര സ്മാരകങ്ങള്‍ , ഗോവയിലെ പള്ളികള്‍,
ഫത്തേപ്പൂര്‍ സിക്രി, ഹമ്പി, ഖജരാഹോ, പട്ടടക്കല്‍
തുടങ്ങിയ സ്ഥലങ്ങളിലെ ചരിത്ര സ്മാരകങ്ങള്‍,
എലിഫെന്ടാ ഗുഹകള്‍, ചോള ക്ഷേത്രങ്ങള്‍,
സാഞ്ചിയിലെ ബുദ്ധ സ്മാരകങ്ങള്‍,
ഹുമയൂണിന്റെ ശവകുടെരം, കുതബ്മീനാര്‍,
ഭീം ബെദ്കകയിലെ ശിലാ ഗൃഹങ്ങള്‍, ഗുജറാത്തിലുള്ള
പംബാനീര്‍ ആര്‍ക്കിയോളജിക്കല്‍ പാര്‍ക്ക്‌ ,
ദല്‍ഹിയിലെ ചെങ്കോട്ട ,
ഡാര്‍ജിലിംഗ് ഹിമാലയ,
നീലഗിരി, കള്‍ക്കാ ഷിംല, ചത്രപതി ശിവാജി ടെര്‍മിനല്‍സ്
തുടങ്ങിയ റെയില്‍വേ പൈതൃകസ്മാരകങ്ങള്‍,
മഹാബോധി ക്ഷേത്ര സമുച്ചയം, ജന്തര്‍ മന്ദിര്‍
ആര്‍ക്കിയോളജിക്കല്‍ മ്യൂസിയം , ആസാമിലെ കാസിം രെന്‍ഗാ
ദേശീയോദ്യാനം, മനസ വന്യജീവി സംരക്ഷണകേന്ദ്രം,
രാജസ്ഥാനിലെ കയോലോടിയോ ദേശീയോദ്യാനം
പശ്ചിമ ബംഗാളിലെ സുന്ടെര്‍ ബെന്‍ ദേശീയോദ്യാനം ,
ഉത്തരാന്ചിലെ നന്ദാദേവി ആന്‍ഡ്‌ വാലി ഓഫ് ഫ്ലെവേഴ്സ്
ദേശീയോദ്യാനം എന്നിവയാണ് ഇന്ത്യയുടെ പൈതൃക സ്മാരകങ്ങള്‍.
കേരളത്തില്‍ നിന്നും മട്ടാഞ്ചേരി പള്ളിയും, സയലന്റ്റ്‌ വാലിയും
പശ്ചിമ ഘട്ട നിരകളും ഒക്കെ പരിഗണനയില്‍ ഇരിക്കുന്നവയാണ്.
Tuesday, April 17, 2012
Sunday, April 15, 2012
തീവണ്ടി
1844 ൽ ഇന്ത്യയുടെ ഗവർണർ ജനറൽ ആയിരുന്ന
ലോർഡ് ഹാർഡിങ്ങ് ഇന്ത്യയിൽ തീവണ്ടിഗതാഗതം സ്ഥാപിക്കാൻ
സ്വകാര്യ സംരംഭകരെ അനുവദിച്ചു. ഈ തീരുമാനത്തിന്റെ
ഫലമായി ഇംഗ്ലണ്ടിലുള്ള നിരവധി നിക്ഷേപകർ
പണം മുടക്കാൻ തയ്യാറായി. ഇങ്ങനെയാണ് ഇന്ത്യയിൽ
തീവണ്ടിഗതാഗതം എന്ന ഒരുപുതിയ മേഖല ഉണ്ടായത്.
1851 ഡിസംബർ 12 ആം തീയതിയാണ് ഇന്ത്യയിൽ ആദ്യമായി
തീവണ്ടി ഓടിയത്. റൂർക്കിയിലേക്കുള്ള നിർമ്മാണ വസ്തുക്കൾ കൊണ്ടുപോകാൻ വേണ്ടിയായിരുന്നു ഇത്
ഒന്നര വർഷത്തിനു ശേഷം 1853 ഏപ്രിൽ16 ആം തീയതി
ഇന്ത്യയിലെ ആദ്യത്തെ യാത്രാതീവണ്ടി ഓടിത്തുടങ്ങി.
അങ്ങനെ ഇംഗ്ലണ്ടിൽ തീവണ്ടി ആദ്യമായി ഓടിയതിനു ശേഷം
വെറും 28 വർഷം കൊണ്ടുതന്നെ അത് ഇന്ത്യയിലെത്തി.
ബോറിബന്ദർ, ബോംബെ, താനെ എന്നീ സ്ഥലങ്ങളിലൂടെയാണ്
ഈ തീവണ്ടി ഓടിയത്. ഏകദേശം 34 കിലോമീറ്റർ ദൂരം
ആയിരുന്നു യാത്രാദൂരം. സാഹിബ്, സിന്ധ്, സുൽത്താൻ
എന്നിങ്ങനെയായിരുന്നു അന്ന് ഉപയോഗിച്ച തീവണ്ടി
എഞ്ചിനുകളുടെ പേരുകൾ. ഏതാണ്ട് ഒരു വർഷത്തിനു
ശേഷം കൽക്കത്തയിലും തീവണ്ടിഗതാഗതം ആരംഭിച്ചു.
1854 ഓഗസ്റ്റ് 15-ന് ഹൗറയിൽ നിന്ന് ഹൂഗ്ലിയിലേക്ക് യാത്രാവണ്ടി
ഓടാൻ തുടങ്ങി. 1856-ൽ മദ്രാസ് റെയിൽവേ കമ്പനി
മദ്രാസിലും ആദ്യത്തെ തീവണ്ടിപ്പാത തുറന്നു.
1870-ൽ ഇന്ത്യയിലെ പ്രധാന തുറമുഖനഗരങ്ങളായ ബോംബേയും
കൽക്കത്തയും തീവണ്ടിപ്പാതയാൽ ബന്ധിപ്പിക്കപ്പെട്ടു.
1880 ആയപ്പോൾ ഇന്ത്യയിലെ തീവണ്ടിപ്പാതയുടെ മൊത്തം നീളം
ഏകദേശം 14,500 കിലോമീറ്ററായി. തുറമുഖപട്ടണങ്ങളായ
ബോംബെ, മദ്രാസ്, കൽക്കട്ട എന്നിവിടങ്ങളിൽ നിന്നും
അകത്തേക്ക് പടർന്നു കിടക്കുന്ന രീതിയിലായിരുന്നു അന്നത്തെ തീവണ്ടിപ്പാതയുടെ രൂപം. ചരക്കുഗതാഗതത്തിനായിരുന്നു
പ്രാമുഖ്യം. 1895 ആയപ്പോൾ ഇന്ത്യയിൽ തീവണ്ടി എഞ്ചിനുകൾ നിർമ്മിക്കുവാൻ തുടങ്ങി. തുടർന്നു ഇന്ത്യയിൽ
അന്ന് നിലനിന്നിരുന്ന നാട്ടുരാജ്യങ്ങൾ സ്വന്തമായി
തീവണ്ടിപ്പാതകൾ നിർമ്മിക്കുകയും അങ്ങനെ ഇപ്പോഴത്തെ
അസം, രാജസ്ഥാൻ, ആന്ധ്രാപ്രദേശ് എന്നിവിടങ്ങളിലേക്ക്
തീവണ്ടിഗതാഗതം ഉണ്ടാവുകയും ചെയ്തു.
1901 ൽ റെയിൽവേ ബോർഡ് നിലവിൽ വന്നു
പക്ഷെ തീരുമാനങ്ങളെടുക്കുവാനുള്ള അധികാരം
വൈസ്രോയിയായിരുന്ന ലോർഡ് കർസനു മാത്രമായിരുന്നു. വാണിജ്യവ്യവസായവകുപ്പിനു കീഴിലായിരുന്നു
റെയിൽവേ ബോർഡിന്റെ പ്രവർത്തനം.
മൂന്ന് അംഗങ്ങളുണ്ടായിരുന്നു അന്നത്തെ റയിൽവേ ബോർഡിൽ.
1907 ആയപ്പോൾ എല്ലാ തീവണ്ടിക്കമ്പനികളും സർക്കാർ ഏറ്റെടുത്തു.
1920 ൽ സർക്കാർ തീവണ്ടി ഗതാഗതമേഖല ഏറ്റെടുക്കുകയും,
റെയിൽവേ വഴിയുള്ള വരുമാനത്തെ മറ്റു സർക്കാർ
വരുമാന മേഖലകളിൽ നിന്നു വേർപെടുത്തി ഒരു പ്രത്യേക
മേഖലയാക്കുകയും ചെയ്തു. ഈ സമ്പ്രദായം ഇന്നും നിലനിൽക്കുന്നു.
ഇന്ത്യയിൽ ഇതിനായി റെയിൽവേ ബജറ്റ് ഉണ്ട്.
ലോകത്തിലെ തന്നെ ഏറ്റവും തിരക്കേറിയതും വലുതുമായ തീവണ്ടിപ്പാതാശൃംഖലകളിലൊന്നാണ് ഇന്ത്യൻ റെയിൽവേയുടേത് ,
ഏകദേശം 5000 കോടി യാത്രക്കാരും, 650 ദശലക്ഷം ടൺ ചരക്കും
ഓരോ വർഷവും ഈ റെയിൽപ്പാതയിലൂടെ നീങ്ങുന്നുണ്ട്.
അതുമാത്രമല്ല 16 ലക്ഷത്തിൽ കൂടുതൽ പേർക്ക്
തൊഴിൽ നൽകുന്ന ഒരു സ്ഥാപനവും കൂടിയാണ് ഇന്ത്യൻ റെയിൽവേ.
ഇന്ത്യയിലെ തീവണ്ടി ഗതാഗത മേഖല ഇന്ത്യൻ റെയിൽവേയുടെ കുത്തകയാ‍ണെന്നു പറയാം. ഇന്ത്യൻ റെയിൽവേയിലെ മൊത്തം തീവണ്ടിപ്പാതയുടെ നീളം 63,940 കിലോമീറ്ററോളം വരും.
Wednesday, April 11, 2012
ജാലിയൻവാലാബാഗ് കൂട്ടക്കൊല
ഇന്ത്യൻ സ്വാതന്ത്ര്യസമര ചരിത്രത്തിലെ ഏറ്റവും
രക്തരൂഷിതമായ സംഭവമാണ് 1919 ഏപ്രിൽ 13ലെ
ജാലിയൻവാലാബാഗ് കൂട്ടക്കൊല.
1919 മാർച്ചിൽ ബ്രിട്ടീഷ് ഗവണ്മെന്റ‌് റൗലറ്റ് ആക്റ്റ്
എന്ന കരിനിയമം പാസ്സാക്കി. വാറന്റ് കൂടാതെ ആരെയും
അറസ്റ്റ് ചെയ്യാനും വിചാരണ കൂടാതെ തുറുങ്കിലടയ്ക്കാനും
ഈ നിയമം ഗവണ്മെന്റിന് അധികാരം നൽകി.
ഇതിനെതിരെ രാജ്യവ്യാപകമയി പ്രക്ഷോഭങ്ങൾ അരങ്ങേറി.
പഞ്ചാബിലെ കോൺഗ്രസ്സ് നേതാക്കളായിരുന്ന ഡോ.സത്യപാൽ,
സെയ്ഫുദ്ദീൻ കിച്ച്ലു എന്നിവരെ പോലീസ്
അറസ്റ്റ് ചെയ്ത് തടവിലാക്കി. ഈ സംഭവത്തിൽ പ്രതിഷേധിച്ച് ,
1919 ഏപ്രിൽ 10ന് അമൃത് സറിൽ ഹർത്താലചരിച്ചു.
അമൃത് സറിൽ ഡെപ്പ്യൂട്ടി കമ്മീഷണറുടെ വീട്ടിലേക്കു നടന്ന
പ്രധിഷേധ റാലിക്കു നേരെ പോലീസ് നിറയൊഴിച്ചു.
ഇതിൽ രോഷകുലരായ ജനക്കൂട്ടം ബാങ്കുകൾക്കും
സർക്കാർ സ്ഥാപനങ്ങ‍ൾക്കും തീവെച്ചു.
അക്രമങ്ങളിൽ 5 യൂറോപ്യന്മാരും പോലീസ് വെടിവെപ്പിൽ
ഇരുപതിലേറെ ഇന്ത്യക്കാരും കൊല്ലപ്പെട്ടു.
ഏപ്രിൽ 13ന് പഞ്ചാബിൽ പട്ടാള നിയമം ഏർപ്പെടുത്തി.
പൊതുയോഗങ്ങളും ഘോഷയാത്രകളും നിരോധിച്ചു.
1919, ഏപ്രിൽ 13 സിഖുകാരുടെ വൈശാലി ഉത്സവ
ദിനമായിരുന്നു. അന്ന് അമൃത് സറിനടുത്തുള്ള
ജാലിയൻവാലാബാഗ് മൈതാനത്തിൽ പോലീസ്
അതിക്രമങ്ങളിൽ പ്രതിഷേധിക്കാൻ ഒരു പൊതുയോഗം
സംഘടിപ്പിച്ചു. അന്ന് അമൃത് സറിലെ സൈനിക
കമാൻഡറായിരുന്ന ജനറൽ റജിനാൾഡ് ഡയർ,
90 അംഗങ്ങൾ വരുന്ന ഒരു ചെറിയ സേനയുമായി
മൈതാനം വളയുകയും വെടിക്കോപ്പുകൾ തീരുന്നതുവരെ
വെടിവെക്കാൻ ഭടന്മാർക്ക് ഉത്തരവ് നൽകുകയും ചെയ്തു.
379 പേർ വെടിവെപ്പിൽ മരിച്ചുവെന്നാണ്‌
ബ്രിട്ടീഷ് സർക്കാർ പറഞ്ഞത്. എന്നാലിത്
1800ൽ ഏറെയയിരുന്നു.
കൂട്ടക്കൊലയിൽ പ്രതിഷേധിച്ച് രവീന്ദ്രനാഥ ടാഗോർ
സർ സ്ഥാനം ഉപേക്ഷിച്ചു.സംഭവത്തെക്കുറിച്ചന്വേഷിക്കാൻ
സർക്കാർ ഹണ്ടർ കമ്മീഷനെ നിയമിച്ചു.
ജാലിയൻ വാലാബാഗിൽ പിടഞ്ഞുമരിച്ച
ധീരരക്തസാക്ഷികളുടെയും പരിക്കേറ്റവരുടെയും
ഓർമ്മക്കായി 1963 ൽ ഇവിടെ ഒരു സ്മാരകം നിർമ്മിക്കപ്പെട്ടു.
അമേരിക്കൻ വാസ്തു ശിൽ‌പ്പിയായ ബഞ്ചമിൻ പോൾക്ക്
രൂപകല്പന ചെയ്ത ഈ സ്മാരകം അന്നത്തെ
പ്രസിഡന്റായിരുന്ന ഡോ: രാജേന്ദ്രപ്രസാദ് ഉദ്‌ഘാടനം ചെയ്തു.
1940, മാര്‍ച്ച് 13
ജാലിയന്‍വാലാബാഗ് കൂട്ടക്കുരുതിയുടെ ഇരുപത്തൊന്നാം
വാര്‍ഷികത്തിന് ഒരു മാസം കൂടി.
ലണ്ട നിലെ കാക്സ്ടണ്‍ ഹാളില്‍ വീണ്ടും വെടിയൊച്ച.
എഴുപത്തുകാരന്‍ മൈക്കിള്‍ ഒ ഡയര്‍ വെടിയേ റ്റു വീഴുന്നു. ജാലിയന്‍വാലാബാഗ് കൂട്ടക്കുരുതിയുടെ കാലത്ത്
പഞ്ചാബില്‍ ലഫ്. ഗവര്‍ണറായിരുന്നു ഡയര്‍.
ബ്രിട്ടിഷ് കാടത്തത്തിന് പകരം വീട്ടിയത് ധീരദേശാഭിമാനി
ഉദ്ധം സിങ്. ഡയറിനെ കൊല്ലാനുള്ള സന്ദര്‍ഭം
കാത്തിരുന്നു ഉദ്ധം സിങ്.
പല സ്ഥലങ്ങളില്‍ വച്ചു ശ്രമിച്ചു.
ഒടുവില്‍ ലണ്ടനില്‍ ഡയറിനെ വെടിവച്ചു വീഴ്ത്തുമ്പോള്‍
ഉദ്ധം സിങ്ങിനു പ്രായം നാല്‍പ്പത്.
കാക്സ്ടണ്‍ ഹാളില്‍ നിന്ന് ഉദ്ധം സിങ്ങിനെ അറസ്റ്റ് ചെയ്തു.
1940 ജൂലൈ 31നു തൂക്കിക്കൊന്നു.
ഒരുപാട് സ്വാതന്ത്ര്യ സമര സേനാനികളുടെയും
ദേശീയ നേതാക്കളുടെയും പേരുകള്‍ ജനപ്രിയമായപ്പോള്‍
ഇതുപോലെ അധികം പ്രചാരം കിട്ടാത്ത
ചില യഥാര്‍ത്ഥ ദേശസ്നേഹികളും.....
Monday, April 9, 2012
Wednesday, April 4, 2012
ആദ്യ കമ്യുണിസ്റ്റ്‌ മന്ത്രിസഭ
ആദ്യ കമ്യുണിസ്റ്റ്‌ മന്ത്രി സഭ അധികാരമേറ്റിട്ട് 55 വര്ഷം.
====================================
1957-ല് തിരഞ്ഞെടുപ്പിലൂടെ ഭരണത്തിലെത്തിയ
ലോകത്തിലെ രണ്ടമത്തേയും ഏഷ്യയിലെ ആദ്യത്തേയും
കമ്മ്യൂണിസ്റ്റ് മന്ത്രിസഭ കേരളത്തിൽ നിലവിൽ വന്നു.
എന്നാൽ ഇത് ലോകത്തിലെ ആദ്യത്തെ തിരഞ്ഞെടുക്കപ്പെട്ട
മന്ത്രിസഭയാണെന്നും വാദമുണ്ട്.
മറ്റേത് 1953 ദക്ഷിണ അമേരിക്കയിലെ ഗയാനയിൽ
തിരഞ്ഞെടുക്കപ്പെട്ട (വോട്ടിങ്ങിലൂടെയല്ല) ഇന്ത്യാക്കാരനായ
ചഡ്ഡി ജഗന്റെ നേതൃത്വത്തിൽ നിലവിൽവന്ന മന്തിസഭയാണ്.
ഇ.എം.എസ്. ആയിരുന്നു മന്ത്രിസഭയുടെ സാരഥി.
ആദ്യത്തെ കമ്യൂണിസ്റ്റ് മന്ത്രിസഭയിൽ അദ്ദേഹം രണ്ടുവർഷം മുഖ്യമന്ത്രിയായിരുന്നു. ഇക്കാലത്ത് അദ്ദേഹത്തിന്
ഉന്നതവിഭാഗക്കാരുടെ രൂക്ഷമായ എതിർപ്പുകളെ നേരിടേണ്ടി വന്നു. അധികാരത്തിലേറി ഒരാഴ്ചക്കകം ഇ.എം.എസിന്റെ
ചിരകാല സ്വപ്നമായിരുന്ന ഭൂപരിഷ്കരണ നിയമം അവർ പാസ്സാക്കി.
ഇതിൻ പ്രകാരം ഒരാൾക്ക് ഉടമസ്ഥത അവകാശപ്പെടാവുന്ന
ഭൂമിക്ക് ഒരു പരിധി നിശ്ചയിച്ച് കൂടുതൽ ഉള്ളത് കണ്ടുകെട്ടി
ഭൂമിയില്ലാത്തവന് നല്കാൻ നിയമമായി.
പാട്ടവ്യവസ്ഥയും കുടിയായ്മ നിയമവുമെല്ലാം മാറ്റിയെഴുതപ്പെട്ടു.
അനധികൃത കുടിയേറ്റക്കാരുടെ അവകാശങ്ങൾക്കും
നിയമ സംരക്ഷണം ലഭിച്ചു.
ഇതിനോടൊപ്പം പാസ്സാക്കപ്പെട്ട വിദ്യാഭ്യാസ പരിഷ്കരണ നിയമവും
സാമൂഹ്യ വ്യവസ്ഥിതിയെ അപ്പാടെ മാറ്റിമറിക്കുന്നതായിരുന്നു.
വിദ്യാഭ്യാസ ബില്ല് അദ്ധ്യപകരുടെ ക്ഷേമം
വർദ്ധിപ്പിക്കുവാനുതകുന്നതും മനേജ്മെൻറിന്റെ അമിത
ചൂഷണം തടയുന്നതുമായിരുന്നു.
എന്നാൽ ഈ നിയമം വ്യാപകമായി എതിർക്കപ്പെട്ടു.
കൂടാതെ കാർഷിക ബില്ലിന്റെയും പോലീസ് നയത്തിന്റെയും
പേരിൽ ധാരാളം എതിർപ്പുകളുണ്ടായി. സർക്കാരിനെതിരായി
വിമോചനസമരം എന്നപേരിൽ പ്രക്ഷോഭം നടന്നു.
നായർ സർവീസ് സൊസൈറ്റിയും കത്തോലിക്ക സഭയും
മുസ്ലിം ലീഗും കോൺഗ്രസ്സും ഒന്നിച്ചു സർക്കാർനെതിരെ
സമരം ചെയ്തു.
അന്നത്തെ വിദ്യാഭ്യാസമന്ത്രി ആയിരുന്ന ജോസഫ് മുണ്ടശ്ശേരി
വിദ്യാഭ്യാസ ബിൽ അവതരിപ്പിച്ചതായിരുന്നു
വിമോചന സമരത്തിനു കാരണം.
വിദ്യാഭ്യാസ സ്ഥാപനങ്ങളുടെ നടത്തിപ്പിനെ ബാധിക്കുന്ന
വിപ്ലവകരമായ കാര്യങ്ങൾ ഈ ബില്ലിൽ ഉണ്ടായിരുന്നു.
അന്ന് കേരളത്തിലെ ഭൂരിപക്ഷം വിദ്യാഭ്യാസ സ്ഥാപനങ്ങളും
കത്തോലിക്കാ സഭയുടെയും എൻ.എസ്.എസ്-ന്റെയും നിയന്ത്രണത്തിലായിരുന്നു.
അദ്ധ്യാപകരുടെ നിയമനത്തിൽ പൊതുവായ
മാനദണ്ഡങ്ങൾ കൊണ്ടുവരിക, അദ്ധ്യാപകരുടെ ശമ്പളം
ഖജനാവു വഴി വിതരണം ചെയ്യുക എന്നിവ
വിദ്യാഭ്യാസ ബിൽ നിർദ്ദേശിച്ചു. നിയമം ലംഘിക്കുന്ന
വിദ്യാഭ്യാസ സ്ഥാപനങ്ങളുടെ നടത്തിപ്പ് സർക്കാർ ഏറ്റെടുക്കുവാൻ
വിദ്യാഭ്യാസ ബിൽ നിർദ്ദേശിച്ചു. എല്ലാ സ്വകാര്യ വിദ്യാഭ്യാസ
സ്ഥാപനങ്ങളും ഏറ്റെടുക്കുവാനുള്ള നിബന്ധനകൾ
ഈ ബില്ലിൽ ഇല്ലായിരുന്നു.
സാമൂഹിക-മത സംഘടനകൾക്കു പുറമേ എല്ലാ പ്രധാന
പ്രതിപക്ഷ സംഘടനകളും വിമോചന സമരത്തിൽ പങ്കെടുത്തു.
ഇന്ത്യൻ നാഷണൽ കോൺഗ്രസ്, പ്രജാ സോഷ്യലിസ്റ്റ് പാർട്ടി
(പി.എസ്.പി), ആർ.എസ്.പി, മുസ്ലീം ലീഗ്, കെ.എസ്.പി
എന്നിവർ ഇ.എം.എസ്. മന്ത്രിസഭയെ പുറത്താക്കണം എന്ന്
ആവശ്യപ്പെട്ട് സമരത്തിൽ പങ്കുചേർന്നു.
സംസ്ഥാനത്ത് സർക്കാരിനെതിരായി വമ്പിച്ച റാലികൾ സംഘടിപ്പിക്കപ്പെട്ടു. ആസൂത്രിതമായ പ്രക്ഷോഭങ്ങളിലൂടെ സംസ്ഥാനത്തെ
ക്രമസമാധാന നില തകരാറിലായി. അങ്കമാലി, പുല്ലുവിള,
വെട്ടുകാട്, ചെറിയതുറ എന്നിവിടങ്ങളിൽ സമരക്കാർക്കെതിരായി
പോലീസ് വെടിവെയ്പ്പ് നടന്നു. ഇതിൽ 15 പേർ കൊല്ലപ്പെട്ടു.
മത്തായി മഞ്ഞൂരാൻ, ആർ. ശങ്കർ, ഫാ. ജോസഫ് വടക്കൻ,
സി.എച്ച്. മുഹമ്മദ് കോയ, ബാഫക്കി തങ്ങൾ തുടങ്ങിയവരുടെ
സജീവ സാന്നിദ്ധ്യം സമരത്തെ അനുകൂലമായി സ്വാധീനിച്ചു.
വിമോചന സമരത്തിന്റെ പ്രത്യക്ഷ പ്രത്യാഘാതം
സ്വാതന്ത്ര്യശേഷംഇന്ത്യയുടെ ചരിത്രത്തിൽ
ആദ്യമായി ഇന്ത്യൻ ഭരണഘടന 356 ചട്ടപ്രകാരം
സർക്കാരിനെ പിരിച്ചു വിട്ടു എന്നതായിരുന്നു.
പ്രധാനമന്ത്രിയായിരുന്ന ജവഹർലാൽ നെഹ്രു നാട്ടിലെ
ക്രമസമാധാന നില തകരാറിലായി എന്ന
കാരണം പറഞ്ഞാണ് അപ്രകാരം ചെയ്തത്.
കേരളം കണ്ട ഏറ്റവും പ്രഗല്ഭരായ മന്ത്രിമാര്‍ അടങ്ങുന്ന,
ഏറ്റവും വിപ്ലവകരമായ മാറ്റങ്ങള്‍ക്കു തയാറായ മന്ത്രിസഭ,
വര്‍ഗീയ കക്ഷികളുടെ തെമ്മാടിതരങ്ങള്‍ക്ക് മുന്നില്‍ കീഴടങ്ങി...
അതിന്റെ ഭലം നമ്മള്‍ ഇന്ന് അനുഭവിക്കുന്നു....
Subscribe to:
Posts (Atom)