മാധവിക്കുട്ടി

ലോകപ്രശസ്തയായ മലയാളി സാഹിത്യകാരിയാണ്
കമലാ സുരയ്യ (മാർച്ച് 31, 1934 - മേയ് 31, 2009) എന്നാ മാധവിക്കുട്ടി... മലയാളത്തിലും ഇംഗ്ലീഷിലുമായി
നിരവധി സാഹിത്യസൃഷ്ടികൾ കവിത, ചെറുകഥ,
ജീവചരിത്രം എന്നിങ്ങനെ പ്രസിദ്ധീകരിച്ചിട്ടുണ്ട്.
1999-ൽ ഇസ്ലാം മതം സ്വീകരിക്കുന്നതിനു മുൻപ്
മലയാള രചനകളിൽ മാധവിക്കുട്ടി എന്ന പേരിലും
ഇംഗ്ലീഷ് രചനകളിൽ കമലാദാസ് എന്ന പേരിലുമാണ്
അവർ രചനകൾ നടത്തിയിരുന്നത്.

1934 മാർച്ച് 31ന് തൃശൂർ ജില്ലയിലെ
പുന്നയൂർക്കുളത്ത് നാലാപ്പാട് എന്ന പ്രശസ്തമായ
നായര്‍ തറവാട്ടില്‍ ജനിച്ചു. അമ്മ കവയത്രിയായ
ബാലാമണിയമ്മ, അച്ഛൻ മാതൃഭൂമി ദിനപ്പത്രത്തിന്റെ
മുൻ മാനേജിങ് എഡിറ്ററായിരുന്ന വി.എം. നായർ
അമ്മാവൻ നാലപ്പാട്ടു് നാരായണമേനോൻ.
ഇന്റർനാഷണൽ മോണിറ്ററി ഫണ്ടിന്റെ
സീനിയർ കൺസൽടന്റായിരുന്ന
മാധവദാസായിരുന്നു ഭർത്താവ്.

ഇംഗ്ലീഷിൽ കവിത എഴുതുന്ന ഇന്ത്യക്കാരിൽ
പ്രമുഖയായിരുന്നു അവർ. പക്ഷേ കേരളത്തിൽ
മാധവിക്കുട്ടി എന്ന തൂലികാ നാമത്തിൽ എഴുതിയ ചെറുകഥകളിലൂടെയും ജീവചരിത്രത്തിലൂടെയുമാണ്
അവർ പ്രശസ്തിയാർജിച്ചത്.

1984ൽ സാഹിത്യത്തിനുള്ള നോബൽ സമ്മാനത്തിന്
നാമനിർദേശം ചെയ്യപ്പെട്ടു. അനാഥരായ അമ്മമാരെയും സ്ത്രീകളെയും സംരക്ഷിക്കുവാനും
മനുഷ്യത്വ പ്രവർത്തനങ്ങൾക്കുമായി ലോൿസേവാ
ചാരിറ്റബിൾ ട്രസ്റ്റ് എന്ന സംഘടന ആരംഭിച്ചു.
നാലപ്പാട്ടെ തന്റെ തറവാട് കേരള സാഹിത്യ
അക്കാദമിക്കായി മാധവിക്കുട്ടി ഇഷ്ടദാനം കൊടുത്തു.
സ്ത്രീകളുടെ ലൈംഗിക അവകാശങ്ങളെയും
അഭിലാഷങ്ങളേയും കുറിച്ച് സത്യസന്ധതയോടെയും ധൈര്യത്തോടെയും എഴുതാൻ തുനിഞ്ഞ ഭാരതത്തിലെ
ആദ്യത്തെ എഴുത്തുകാരി എന്ന പദവി
മാധവിക്കുട്ടിക്കാണെന്ന് പല എഴുത്തുകാരും കരുതുന്നു.

ഭര്‍ത്താവിന്റെ മരണശേഷം
സാദിഖ് അലി , എന്ന പ്രണയിതാവിന്റെ
നിർദ്ദേശപ്രകാരം കമലാദാസ് മുസ്ലീം മതത്തെ സ്വീകരിച്ചു.
സാദിഖ് അലി , ഒരു മുസ്ലീം പണ്ഡിതനും ,
മുസ്ലീം ലീഗ് എം,പിയുമായിരുന്നു.
1999 ൽ തന്റെ 65ആമത്തെ വയസ്സിൽ കമലാദാസ് ,
കമല സുറയ്യ എന്ന നാമം സ്വീകരിച്ചു.
രാഷ്ട്രീയത്തിൽ മുമ്പ് പ്രവർത്തിച്ചിട്ടില്ലെങ്കിലും ,
അവർ ലോക സേവാ പാർട്ടി എന്ന രാഷ്ട്രീയ
സംഘടനയ്ക്ക് രൂപം കൊടുത്തു.
അനാഥകളായ അമ്മമാർക്കും , മതനിരപേക്ഷതയ്ക്കും
വേണ്ടിയാണ് ഈ പാർട്ടി എന്ന് രൂപീകരണവേളയിൽ
പ്രഖ്യാപിച്ചു. ഇന്ത്യൻ പാർലിമെന്റിലേക്ക് നടന്ന
തിരഞ്ഞെടുപ്പിൽ മത്സരിക്കുകയും ചെയ്തു.
2009 മേയ് 31-നു് പൂനെയിൽ വെച്ചു് അന്തരിച്ചു.
മക്കൾ: എം.ഡി. നാലപ്പാട്ട്, ചിന്നൻ ദാസ്, ജയസൂര്യ.