ഭരതന്‍

പ്രശസ്ത

മലയാള ചലച്ചിത്ര സംവിധായകന്‍
ആയിരുന്ന ഭരതന്‍ വിടപറഞ്ഞിട്ടു നാളെ
പതിനഞ്ചു വര്ഷം....

വിന്സന്റ് സംവിധാനം ചെയ്ത ഗന്ധര്‍വ ക്ഷേത്രം
എന്നചിത്രത്തില്‍ കലാ സംവിധായകനായാണ്
ശ്രീ ഭരതന്റെ സിനിമാ ലോകത്തേക്കുള്ള പ്രവേശനം.
1974-ൽ പത്മരാജന്റെ തിരക്കഥയിൽ പ്രയാണം
എന്ന ചലച്ചിത്രം സംവിധാനം ചെയ്തുകൊണ്ട് സ്വതന്ത്രസംവിധായകനായി. ഏറ്റവും നല്ല പ്രാദേശികഭാഷാചിത്രത്തിനുള്ള ആ വർഷത്തെ
ദേശീയ പുരസ്കാരം ഈ ചിത്രത്തിനു കിട്ടി.
ഭരതനും പത്മരാജനുമായുള്ള കൂട്ടുകെട്ട് മലയാള
സിനിമയുടെ സുവർണ്ണ കാലഘട്ടത്തിന്റെ
തുടക്കമായിരുന്നു. പത്മരാജൻ സ്വതന്ത്ര
സംവിധായകനാകുന്നതിനു മുൻപേ ഇരുവരും
ചേർന്ന് പല ചിത്രങ്ങളും നിർമ്മിച്ചു. ഇവയിൽ പ്രധാനം
രതിനിർവ്വേദം, തകര എന്നിവയാണ്. തകര ഭരതന്റെ
ഏറ്റവും നല്ല ചിത്രമായി കരുതപ്പെടുന്നു.

കല കലാകാരനെ അതിശയിക്കുന്നതിന് ഒരു
ഉദാഹരണമായിരിക്കും ഭരതന്റെ വൈശാലി എന്ന ചിത്രം.
അദേഹത്തിന് വൈശാലിയുടെ വശ്യ ശരീരം എങ്ങനെ
കാട്ടിന്റെ കാനനതയുമായി കൂട്ടിച്ചേർക്കണം എന്ന്
അറിയാമായിരുന്നു. ഇതിന്റെ ഫലം മറക്കാനാവാത്ത
ഒരു ക്ലാസിക്ക് ചലച്ചിത്രമാണ്.

ഭരതന് ഭാഷ ഒരു തടസ്സമായില്ല. ശിവാജി ഗണേശൻ
കമലഹാസൻ എന്നിവർ അച്ഛൻ-മകൻ ജോഡിയായി
അഭിനയിക്കുന്ന തേവർമകൻ തമിഴിലെ എക്കാലത്തെയും
മികച്ച ചിത്രങ്ങളിൽ ഒന്നായി കരുതപ്പെടുന്നു.
പല ഭാഷകളിലും പുനർനിർമ്മിക്കപ്പെട്ട ഈ ചിത്രം
പല ദേശീയ പുരസ്കാരങ്ങളും നേടി.

ചലച്ചിത്ര സംവിധാനത്തിനു പുറമേ ഭരതൻ പല
തിരക്കഥകളും രചിച്ചു, തന്റെ പല ചിത്രങ്ങൾക്കുമായി
ഗാനങ്ങൾ രചിക്കുകയും ചിട്ടപ്പെടുത്തുകയും ചെയ്തു.
കേളി എന്ന ചലച്ചിത്രത്തിലെ ഹിന്ദോളം രാഗത്തിൽ
ചെയ്ത “താരം വാൽക്കണ്ണാടി നോക്കി“ എന്ന ഗാനം
ഭരതന്റെ സംഗീത പ്രാവീണ്യത്തിന് ഉദാഹരണമാണ്.
അദേഹത്തിന്റെ തന്നെ "ചിലമ്പ്" എന്നാ സിനിമയിലെ
"ദേവ ദുന്ദുഭീ സാന്ദ്ര ലയം" എന്നാ ഗാനം എക്കാലത്തെയും
നല്ല ഗാനങ്ങളില്‍ ഒന്നായിരുന്നു. കാതോട് കാതോരം
എന്ന ചിത്രത്തിനു വേണ്ടി പ്രശസ്ത സംഗീതസംഗീതസം
വിധായകനായ ഔസേപ്പച്ചന്റെ കൂടെ അദ്ദേഹം
പ്രവർത്തിച്ചിട്ടുണ്ട്.

തൃശ്ശൂർ ജില്ലയിലെ വടക്കാഞ്ചേരി ആണ് ഭരതന്റെ
ജന്മസ്ഥലം. നാടക-ചലച്ചിത്രനടിയായ കെ.പി.എ.സി.
ലളിത ആണ് ഭാര്യ. മകൻ സിദ്ദാർത്ഥ് ചലച്ചിത്ര
അഭിനേതാവും സംവിധായകനുമാണ്.

മലയാള സിനിമാ ലോകത്ത് നികത്താനാകാത്ത
ഒരു വിടവ് സൃഷ്ടിച്ചുകൊണ്ട് അദ്ദേഹം 1998 ജൂലൈ 30-നു
മദ്രാസിൽ വെച്ച് അന്തരിച്ചു.