എത്ര ഉപദേശിച്ചിട്ടും മത്തായി നന്നാകുന്ന ലക്ഷണമില്ല....
പത്രോസച്ചന്‍ മടുത്തു...
പക്ഷെ എന്നും മറിയാമ്മ ചേടത്തിയുടെ
പരാതിയും പരിഭവങ്ങളും കാരണം ഒരിക്കല്‍ കൂടി,
ഒരിക്കല്‍ക്കൂടി മാത്രം അവനെ ഒന്നുപദേശിക്കാം
എന്ന് അച്ഛന് തീരുമാനിച്ചു...
മത്തായിയെ അച്ഛന് പള്ളിമെടയിലേക്ക് വിളിപ്പിച്ചു....
ഒരുപാട് കാര്യങ്ങള്‍ പറഞ്ഞു,
നിസംഗനായി കേട്ട് കൊണ്ട് നിന്നതല്ലാതെ മത്തായി
ഒരക്ഷരം പ്രതികരിച്ചില്ല,
അച്ഛന് വല്ലാതെ ദേഷ്യം വന്നു ,
ഒടുവില്‍ അച്ഛന് പറഞ്ഞു...
"മത്തായീ, നീയിങ്ങിനെ തോന്ന്യവാസം നടന്നോ...
നീ അനുഭവിക്കാന്‍ പോകുന്നതേയുള്ളൂ....
നീ ഏറ്റവും ഇഷ്ടപ്പെടുന്ന, സ്നേഹിക്കുന്ന
ഓരോന്നോരോന്നായി കര്‍ത്താവ്‌ തിരിച്ചെടുക്കും ,
അപ്പോള്‍ നിനക്ക് മനസ്സിലാവും..,
ഇനിയെങ്കിലും ഭാര്യയേയും കുട്ടികളെയും സ്നേഹിച്ചു
മര്യാദക്ക് ജീവിക്കാന്‍ നോക്ക്...."
മത്തായി ദയനീയമായി അച്ഛന്റെ മുഖത്തേക്ക് ഒന്ന് നോക്കി......
അച്ഛന് മനസ്സില്‍ ഓര്‍ത്തു,
ഇത്തവണത്തെ ഉപദേശം എന്തായാലും ഏറ്റു...
വിഷാദനായി പുറത്തേക്കിറങ്ങിയ മത്തായി
അല്‍പ്പസമയത്തിനകം തിരിച്ചു വന്നു..
അച്ഛന് ചോദിച്ചു "എന്താ മത്തായി"..?
വളരെ പതിഞ്ഞ സ്വരത്തില്‍ മത്തായിയുടെ ചോദ്യം....
"അച്ചോ, ഇനി ഞാന്‍ അവളെ സ്നേഹിച്ചുതുടങ്ങിയാല്‍
മതിയോ അച്ചോ....?
കര്‍ത്താവിന്റെ ഓഫര്‍ ഇപ്പോഴും നിലവിലുണ്ടോ"....?
No comments:
Post a Comment